مسلم مسيحى لو بتحب بلدك لازم تقرأ الكلام ده
مسلم مسيحى لو بتحب بلدك لازم تقرأ الكلام ده قامه نشره عبر مواقع التواصل الاجتماعى لمن يحب بلده وكتب هذه الرساله المهمه جدا فقال
الي كل شخص يحب بلده مصر الحبيبه اقرأ هذه الكلمات
عاوزك تقرأ الكلام ده كويس اوي وتفهمه اوي اوي وتحاول تنشره علشان اي حد مغيب يفوق ويصحي ويحمد ربنا علي النعمه اللي احنه فيها وكل اللي البلد عاوزاه بس شوية ضمير عند كل واحد فينا.
اليورو = ٢٠ جنيه
الدولار = ١٨جنيه
الريال = ٤ جنيه
والجنيه = كام؟
تعال كمل معايا
الجنيه = 134.50 دينار عراقي
العراق فاكر العراق ؟ بقايا دولة بعد الانقسام الطائفي والاحتلال الأجنبي بعد إنهيار السلطة
الجنيه = 24.50 ليرة سورية
سوريا وما أدراك ما سوريا ؟ لا تعليق
الجنيه = 170.50 ليرة لبنانية
لبنان الذي لم يسلم له دينه أيضا وإنما قهر أغلبَهم المدُ الشيعي وما هذا إلا بسبب نزاعات فئوية ودعاوى فوضوية
الجنيه = 27.50 ريال يمني
اليمن صراعات حزبية ومطامع سياسية ترجح كفة الحوثي هناك
هل تفهم الآن إلى أين سيذهب الجنيه ؟ وما هو مصيره طالما أنك ما زلت تدعو إلى الفوضى ؟
دعوتك إلى أن تتكرر في بلدك مثل هذه السيناريوهات المؤلمة سيذهب بالجنيه إلى أبعد وأشنع وأصعب من ذلك
البلد اللي فيها 20 رغيف عيش بجنيه
وبتصرف للمواطنين زيت وسكر وجبنه فيتا ببطاقه التموين ببلاش
و 36 محطه مترو بجنيه
عمر مايكون فيها ثوره جياع : 🇪🇬👍 غريبه يامصر في قدراتك
****
🚩الكلام ده للناس العقلاء فقط
عندنا أزمة كبيرة فى العملة؟
= أيوة عندنا
عندنا مشاكل اقتصادية حادة؟
= أيوة عندنا ؟
عندنا مشاكل مزمنة فى التعليم والصحة ؟
= يوووووه - بالهبل .
عندنا أزمة فساد فى الذمم والنفوس؟
= طبعا عندنا ،، إلا من رحم ربى
عندنا غلاء فى الأسعار والتجار جشعه و بتتلاعب بقوت الناس؟
= حدث ولا حرج
😄😄 طب ممكن اسال كام سؤال تاني؟
ولادك بيروحوا المدرسة كل يوم ؟
= أيوة
صيفت السنة دى؟
= أيوة
بتنزل تسهر للفجر مع صحابك عادى؟
= أيوه
طب عندك لا قدر الله جيش منقسم ومنشق؟
= لأ والحمد لله .
جزء من بلادك محتل؟
= الحمد لله برضو لأ
عندك قواعد عسكرية بتنتهك سيادتك على أرضك؟
= الحمد لله رب العالمين ، مفيش .
سبت بيتك ووطنك وقاعد فى مخيم على حدود أى بلد مستنى طيارة ترمى لك رغيف ؟
= الحمد لله محصلش .
حد من معارفك اتدبح والدواعش لعبوا الكورة براسه قدام الكاميرا؟
= اللهم احفظنا .لأ محصلش
ولادك مدارسهم وجامعاتهم إتعطلت والسنة الدراسية اتلغت ؟
= لأ
عندك فتنة طائفية بتحصد كل يوم مئات من دول ودول
= لله الحمد والشكر. لأ.
عندك أزمة كهربا فى صيف خانق الحرارة فيه وصلت لأرقام قياسية ؟
= لأ
الشتا اللي فات كنت نايم في خيمه و التلج نازل حواليك لمده شهر؟
لأ
بتنام من غير عشا؟
الحمد لله مستورة
يبقي الخلاصة :
أيوا بلدك بتعانى ، وبتمر بظروف صعبة ،
ودى مش أول ولا آخر مرة فى تاريخ الدول
لكنها بفضل الله متماسكة كهيكل عام للدولة وغير منهارة
يعنى بالبلدى مش أشلاء دولة
زي كل البلاد الي اتقطعت و اتدمرت و مش هتقوم لها قومه تاني
طبقا لمخطط متحضر من سنين للمنطقه
وده كافى بإذن الله إنها تقوم وتتعافى ان أخلصنا النيه لله
وإوعى تنسى أبدا إن ربنا دايما فى المعادلة مهما أعيتنا السبل انا لسه بحب البلد
بحبك يامصر إدعوا لمصر
وكانت الخلاصة من تلك التغريدات، وفقا لنشطاء التواصل الاجتماعي، أن البلد تمر بظروف صعبة، لكنها، بفضل الله، متماسكة كهيكل عام للدولة وغير منهارة وليست "أشلاء دولة زي كل البلاد الي إتقطعت وإتدمرت ومش هتقوم لها قومه تاني طبقا لمخطط متحضر من سنين للمنطقة، وده كافى بإذن الله إنها تقوم وتتعافى إن أخلصنا النيه لله، لإن ربنا دايما في المعادلة مهما أعيتنا السبل".
منقول
بلوجر مسيحى
مواضيع ذات صلة
عن الكاتب
بلوجر مسيحى
خطأ فى التحميل ! , ربما تكون المدونة غير عامة أو متاحة لمؤلفو المدونة فقط أو قد تكون خلاصة المدونة معطلة , من فضلك قم بجعل المدونة عامة و السماح بخلاصة المدونة كاملة لتفعيل هذه الإضافة.
من مواضيعى
ليست هناك تعليقات:
إرسال تعليق